十八后
野仔
十八
野仔 - 十八后
曲：Chris 词：Jim
家豪： 响永远怀念我们敬爱的陈老师群组
搵到你个名同埋留言，睇埋啲相，
果然系你。最近点呀？
中七之后，原来我的十几年无见。
见你Profile写住多伦多，系咪已经移左民喇？
仲记唔记得有日我响码头同你讲过，
我会同佢一生一世？最后，
我同佢响中七之后嘅夏天就散左喇。
之后我都有拍过好几次拖，但系到最后都无结果，
上年分开嗰个差少少就结婚，
但佢话我无份工做得长唔够成熟，然后就分开左。
本来諗住一齐住嘅地方而家得我一个独居。
决定搬出去自己住之后，
有一晚我执野发现左一部1973年嘅相机。
呢，系你爸爸留俾你嗰部呀，记唔记得呀，
嗰日我话想试用吓单镜机，你第二日就借左俾我。
嗰次我影完啲相原来竟然无晒到，
上星期我攞左去晒喇，发现大部份都系佢嘅相，
除左一张试用嘅时候捉住我妈妈试影嘅相,
我而家先发现呢几年原来我妈妈白头髮多左好多。
虽然我的好耐无见，
但系唔知点解就好似细个我的深夜倾电话咁，
有好多野想话俾你知，自从出左嚟做野之后，
都好难再搵到好似你咁嘅密友。
几时会返嚟香港呀？
呀，可以话俾你知嘅系，
我的嗰首一齐作嘅合唱歌，
最后我去到学校礼堂都系无唱到。
其实点解嗰次你无出现响歌唱比赛嘅？
系咪真系好似其他同学所讲，
你都系钟意左 但系我一直都唔知呢？
奠http://www.36jxs.com 欢迎您的光临！