作词 : 摘自《中国民间歌谣资料集成广东卷开平县资料本》
灵呀鸡呀，灵呀鸡
请你莫乱啼，
三灵啼公鸡，
头顶红缨帽，全身穿起大红袍，
木鱼声声打得响。
我来唱唱懒婆娘，
佢一世做人冇想象，
日日瞓到日上三竿见太阳，
头唔梳时脸洗唔净，
眼屎好似芝麻酱，
白衫着成黑衫样，
行埋臭酸姜，
佢一个月来唔使指以冲次凉。
懒婆娘，好把嘴，
家嘈屋响声如雷，
唔系打男就骂女
男细女嫩哭碎碎，
水缸时常冇滴水，
灶头蚁仔排成队，
该久未曾见佢打扫庭厨。
懒婆终日荡，
穿屋又穿巷，
吃饱三餐门口望，
时常望着卖麻糖，
听见个锣仔叮叮当，
回家走忙忙，
拆大床，翻米缸，
搜埋烂铜烂铁来驳麻糖，
佢吃完麻糖又吃三碗水，
肚中实在难藏，
佢成夜开门走到天光，
猪乸听见“百拆”（乱窜）冇绳绑，
鲤鱼听见跳过三眼塘，
黄狗仔听见荡错几条巷，
吓得狐狸走过九江，
上屋听见喊口爽 ，
下屋吓到“嘀哚”跌下床。
天未光，人传讲，
唔知昨晚哪位大姐走屎走得该鬼狼忙。
开平卖鸡调
搜集整理者：关辉