作词 : 梁文想/张巨山/李日明
弦索齐齐奏，我来唱阿牛，阿牛今年卅几“钩”（岁），今日拉埋天窗，佢喜上心头。
讲到该个大牛，为人够忠厚，高中毕业离山沟，装修油漆转市过埠，酸甜苦辣几沉浮。时间快如跑，急死阿牛老豆，隔里阿叔都有孙凑（抱），[白]唯独阿牛哥，[唱]佢独来独往，唔知搞乜“衔头”（名堂）。
几年过去后，政策到山沟，农村处处新面貌，科学种养有搞头。[念快板]阿牛佢睇准山头几百亩，解甲来承包。育林养鸡又养狗，务农兼商贸。[唱]多种经营获利厚，几年功夫佢起高楼。
阿牛致富后，为人更谦厚，修桥筑路建学校，扶贫解困样样带头。佢吃用唔使愁，出入开“金豹”，媒婆靓女踩低门口，依然水蛇浸水无“细”功效，谁知阿牛佢另有谂头，佢网上征婚来求偶，话专业要对口，身材唔肥又唔瘦，既能当内助，又当参谋。
广告登出后，果然有靓女“考”（喜欢），农校毕业黄豆豆，上门来到揾阿牛。[白]阿妈见佢斯文白净，搽“细”红口唇，认为唔可靠，唔信系睇中阿牛个银包？[唱]唉，不如快些劝佢走，“行诈特”（故意）话该家主人并非阿牛。[念快板]豆豆来到村口，越想越火爆，想嫁农民都无人“考”，枉读了几年高校。[唱]有何颜面返重头？好心人阿巧，见到黄豆豆，听佢讲来一面（脸）愁，连随带佢到山坳，“卒之”（终于）见到好阿牛。阿牛见豆豆，有才又有貌，为人爽直唔计较，虚心请教唔“高斗”，还“廿”（挽起）衫“廿”裤下田头。
今年入秋后，吉日好意头，村里搭台又烧炮，风光体面夹热闹，原来系阿豆嫁给阿牛！婚礼够派头，好酒夹好肴，婚宴演戏一齐搞，还一律唔收红包，有吃有睇真够头。舞台搭响（在）村头，个个来睇热闹，果真系郎才夹女貌，家婆老爷笑大个口，让我们共同祝福：[白]阿牛同豆豆，家庭幸福，早生贵子，[唱]百年好合到白头！
开平卖鸡调