作词 : 民间
作曲 : 民间
བཀྲ་ཤིས་སྐོར་བྲོ།
ཚིག་གདངས། དམངས་གཞས།
ལེན་མཁན། གནམ་མཚོའི་འབྲོག་པའི་ཚན་སྡེབ།
ཕེབས་ཤོག ཕེབས་ཤོག་ཟེར་ན།
དཔྱིད་ཀྱི་རྒྱལ་མོའི་གླུ་དབྱངས་དེ་ཕེབས་ཤོག་ཟེར།
དཔྱིད་ཀྱི་རྒྱལ་མོའི་གླུ་དབྱངས་དེ་ཕེབས་ཤོག་ཟེར།
འཛམ་གླིང་ས་ཆུ་དྲོད་ནས།
དཔྱིད་དཔལ་མེ་ཏོག་བཞད་དུ་ཕེབས་ཤོག་ཟེར།
དཔྱིད་དཔལ་མེ་ཏོག་བཞད་དུ་ཕེབས་ཤོག
ཕེབས་ཤོག ཕེབས་ཤོག་ཟེར་ན།
ཆར་སྤྲིན་མཇལ་འོད་ཅན་འདི་ལ་ཕེབས་ཤོག་ཟེར།
ཆར་སྤྲིན་མཇལ་འོད་ཅན་འདི་ལ་ཕེབས་ཤོག
སྦྲང་ཆར་ཟིལ་མའི་དངོས་གྲུབ།
ནོར་འཛིན་གཏེར་ཁ་རྒྱས་དུ་ཕེབས་ཤོག་ཟེར།
ནོར་འཛིན་གཏེར་ཁ་རྒྱས་དུ་ཕེབས་ཤོག
ཕེབས་ཤོག ཕེབས་ཤོག་ཟེར་ན།
གངས་ཅན་བུ་དང་བུ་མོ་ཕེབས་ཤོག་ཟེར།
གངས་ཅན་བུ་དང་བུ་མོ་ཕེབས་ཤོག
སྐྱིད་པའི་རྩེ་ར་འདི་ན།
མཉམ་འཛོམས་གླུ་བྲོ་རྡུང་ལ་ཕེབས་ཤོག་ཟེར།
མཉམ་འཛོམས་གླུ་བྲོ་རྡུང་ལ་ཕེབས་ཤོག
འབྲོག་གླུ་འབྲོག་གཞས་དགའ་ན་བྱང་ཕྱོགས་འབྲོག་སྡེ་ཡུལ་ཕེབས་ཤོག
བྱང་ཕྱོགས་འབྲོག་སྡེ་ཡུལ་ཕེབས་ཤོག
འབྲོག་གླུ་འབྲོག་གཞས་དེ་ཚོ་བྱང་ཕྱོགས་འབྲོག་སྡེ་ཡུལ་གྱི་སྲོལ་རྒྱུན་རེད།
བྱང་ཕྱོགས་འབྲོག་སྡེ་ཡུལ་གྱི་སྲོལ་རྒྱུན།
འབྲོག་གླུ་འབྲོག་གཞས་དེ་ཚོ་བྱང་ཕྱོགས་འབྲོག་སྡེ་ཡུལ་གྱི་སྲོལ་རྒྱུན་རེད།
བྱང་ཕྱོགས་འབྲོག་སྡེ་ཡུལ་གྱི་སྲོལ་རྒྱུན།
ཕུ་ཡེ་ན་གངས་སྟོད་མཐོ་པོ་རྡ་ཟེ།
གངས་དཀར་པོའི་རྩེ་མོ་སང་སེ་སང་།
སང་སེ་སང་།
གངས་དེ་ལ་འཁོར་བའི་སེང་ཆུང་དེ་ཟེ།
མགོ་གཡུ་རས་བཀྲ་ཤིས་རྟགས་བརྒྱད་རེད་ཟེ།
རྟགས་བརྒྱད་རེད།
བར་འདི་ན་རྫ་སྟོད་མཐོ་པོ་རྡ་ཟེ།
རྫ་རག་དཀར་ཨ་ལོང་མེ་ལོང་རེད་ཟེ།
མེ་ལོང་རེད།
རྫ་དེ་ལ་འཁོར་འབྲོག་ཆུང་དེ་ཟེ།
མགོ་རུ་ཐོར་རྒྱལ་སྲིད་སྣ་བདུན་རེད་ཟེ།
སྣ་བདུན་རེད།
མདའ་ཨི་ན་བྲོ་སྟོད་མཐོ་པོ་རྡ་ཟེ།
བྲོ་ཁ་གཞས་བསྟན་པ་དར་ས་རེད་ཟེ།
དར་ས་རེད།
ངག་ཁུ་བྱུག་འདྲ་བའི་གླུ་བ་ཚོ།
གླུ་སྙན་པོ་ཕྱོགས་ལས་རྣམ་རྒྱལ་རེད་ཟེ།
རྣམ་རྒྱལ་རེད།
ཁ་ལ་གླུ་སྦྲང་ཆར་འབབ་འབབ་རེད།
གཞས་ཞབས་བྲོ་ཐང་དཀར་ལྡིང་ལྡིང་རེད།
ལྡིང་ལྡིང་རེད།
འདི་བྱང་ཐང་འབྲོག་པའི་རྒྱན་ཆ་རེད།
དེ་ནམ་ཡང་བརྟན་པའི་བཀྲ་ཤིས་ཤོག
བཀྲ་ཤིས་ཤོག
ཁ་ལ་གླུ་སྦྲང་ཆར་འབབ་འབབ་རེད།
གཞས་ཞབས་བྲོ་ཐང་དཀར་ལྡིང་ལྡིང་རེད།
ལྡིང་ལྡིང་རེད།
ལྡིང་ལྡིང་རེད།
འདི་བྱང་ཐང་འབྲོག་པའི་རྒྱན་ཆ་རེད།
དེ་ནམས་ཡང་བརྟན་པའི་བཀྲ་ཤིས་ཤོག