作词 : དབང་གྲགས་ཚེ་རིང་།
作曲 : འཕྲིན་ལས་དར་རྒྱས།
演唱：འཕྲིན་ལས་དར་རྒྱས།
མ་ཡུམ་སློབ་གླིང།
མ་ཡུམ་སློབ་གླིང་རིག་པའི་གདན་ས།
ཤེས་བྱ་ཡོན་ཏན་གཤོག་རྩལ་རྒྱས་ས།
རྨོངས་མུན་གསེལ་བའི་འོད་སྣང་འཚེར་ས།
གནས་འདིར་ཕེབས་དང་ལོ་ཆུང་གྲོགས་པོ་ཚོ།
མ་ཡུམ་སློབ་གླིང་རིགས་ཀྱི་རྒྱུད་འཛིན།
ཕ་སྐད་མ་ཡིག་བསྟན་པ་དར་ས།
དབྱངས་གསལ་སོ་བཞིའི་ལང་ཚོ་རྒྱས་ས།
སློབ་ལ་བརྩོན་དང་ན་གཞོན་ཕོ་མོ་ཚོ།
མ་ཡུམ་སློབ་གླིང་བློ་ཡི་བང་མཛོད།
རྣམ་དཔྱོད་རྩལ་གྱི་སྒོ་མོ་ཕྱེས།
མཚན་ཉིད་རིག་པའི་བརྡར་ཤ་གཅོད་ས།
སྐད་ཡིག་སྐྱོངས་དང་རིགས་མཐུན་སྤུན་ཟླ་ཚོ།