以前係學校　睇住你打波
我地好近
後尾你同屋企人要去澳洲啦
我地又好遠
到我幫亞Ben 寄結婚咭比你
收到你o既e-mail　我又覺得近返啦
你返o左o黎觀禮
我地見面模糊到只係講o左聲「Hi!」
我地簡直係兩個世界咁遠
成班人送你機果日呢　我楂緊車
你同佢地講返我讀書果陣時又瘦又土喎
我發現　我對你原來係咁近o架
一次巧合　四個人一齊o黎Sydney 度假兼探你
點知玩到第四日　你先話聽日要過去Melbourne　讀書呀......
就係果一秒　我竟然唔捨得你要去咁遠
朝頭早六點　你要去機場
外面開始落雪
我終於忍唔住講：「比我同你一齊去啦!」
你傻o左唔識答o既樣　令我猶豫
但係我知今次如果唔講
我呢一世都唔會再提啦......
飛返o黎香港　帶住你比我o既頸巾
我先明兜轉o左咁多年
飛過半個地球咁遠
都只係要我儲夠能量去同你講：「我愛你!」