作词 : 尕太加
作曲 : 尕太加
སྐྱོ་གར།
བརྩེ་བའི་སྙིང་གི་གྲོགས་པོ། རྣ་བའི་ལན་གཅིག་ང་ལ་ཉོན་དང།
བཤད་ཐུབ་པའི་སྡུག་བསྔལ་ཁྱོད་ཀྱི་སྡུག་བསྔལ་དུ་ཡང་མ་བསམ།
ཁྱོས་སེམས་པ་མ་སྡུག ཁྱོས་ངུ་སྐད་མ་འཆོར། ཁྱོས་ཉམ་ཐག་མ་བྱེད། ཁྱོས་མིག་ཆུ་མ་འཕེན།
བརྩེ་བའི་སྙིང་གི་གྲོགས་པོ། རྣ་བའི་ལན་གཅིག་ང་ལ་ཉོན་དང།
འཕྲོགས་ཐུབ་པའི་བུད་མེད་ཁྱོད་ཀྱི་མཛའ་མོ་ཡང་མ་ཡིན།
ཁྱོས་སེམས་པ་མ་སྡུག ཁྱོས་ངུ་སྐད་མ་འཆོར། ཁྱོས་ཉམ་ཐག་མ་བྱེད། ཁྱོས་མིག་ཆུ་མ་འཕེན།
ལོ་ནས་ལོ་དང་ཟླ་ནས་ཟླ་དང་ཉིན་ནས་ཉིན་ལ་ང་ཚོའི།
ཉིན་རེ་རེ་བགྲངས་ཀྱི་མི་ལངས་བརྩིས་ནས་མི་ཚར་བའི།
སེམས་སྐྱོ་བའི་སྐྱོ་གར་ང་ཚོའི་རྣ་འགྲམ་དུ་མིག་འགྲམ་དུ་ཡང་ནས་ཡང་དུ་འཁྲབ་སྟོན་བྱེད་ཀྱི་ཡོད་པ་ཁྱོད་ཀྱི་ཨུ་ཤེས་སྙིང་ཉེ་བའི་གྲོགས་པོ། ཡང་གཅིག་བཤད་ན་སྐྱོ་གར་འདི་དག་བྱུང་བར་ང་ཚོ་དགའ་འོས་པ་ཞིག་ཅི་ནས་མིན།
དབུགས་ཀྱི་རྒྱུ་བ་གཏོང་ཐེངས་རེ། མིག་ཟུང་ཁྲ་མོ་སྡེབས་ཐེངས་རེ་།
བྱུང་དང་འབྱུང་བཞིན་པའི་སྐྱོ་གར་འདི་དག་འཇིག་རྟེན་གྱི་གར་སྟེགས་ཆེན་པོ་འདིའི་སྟེང་ནས་མིག་གི་མཐོང་བྱུང། རྣ་བའི་ཐོས་བྱུང། སེམས་སུ་མྱངས་བྱུང།
མ་གཞི་ང་ཚོ། གླུ་ལེན་གི་ལེན་གི་དགུང་ལ་འགྲོ། དགུང་འབྲུག་ཆུང་རྩེ་ན་ང་ཡང་བརྩེ།
ང་ཚོ་ད་དུང་་་་དབུགས་ཀྱི་རྒྱུ་བ་འགགས་མེད།
མཚམས་མཚམས་སུ། ཁྱོད་རང་འཁྲབ་སྟོན་པ་ཡིན་ཀྱང་སྲིད་ལ།
མཚམས་མཚམས་སུ། ཁྱོད་རང་གཙོ་འཁྲབ་པ་ཡང་ཡིན་ངེས།
མཚམས་མཚམས་སུ།ཁྱོད་རང་བརྙན་གཞུང་རྩོམ་པ་པོ།
མཚམས་མཚམས་སུ། ཁྱོད་རང་“路人甲乙丙丁”
ཅི་ཞིག་ཡིན་ན་ཡིན་དུ་ཆུག ནམ་ཞིག་ལ། ཁྱོད་ཀྱི་ཤེས་སྲིད། སྐྱོ་གར་འདི་དག་མ་གཞི། གནམ་རྒན་མའི་ང་ཚོ་ལ་བཞག་པའི་ཚོད་ལྟའི་རྒྱུགས་གཞི་རེད་ལ།
མ་འོངས་པའི་རང་ཉིད་སྔར་ལས་མཛེས་སྡུག་ལྡན་པ། མཚར་སྡུག་ལྡན་པ།
སྙིང་སྡུག་ལྡན་པ་ཞིག་གི་ཆེད་དུ་ལོས་ཡིན།
གྲོགས་པོ་ལོ་ལོ། ངའི་ཤེས་ཡོད་སྙིང་གི་གྲོགས་པོ་ལོ་ལོ།
འདས་ཟིན་གྱི་སྐྱོ་གར་སྣ་ཚོགས་གར་སྙིགས་བཞིན་དུ་ཕར་ལ་གཡུགས་ཅིག
མི་ཞིག་ཡིན་སྡུག་བསྔལ་ལོས་ཡོད། འོན་ཀྱང། ཁྱོད་རང་དགའ་བའི་མི། དགའ་བའི་ལས།
སྙན་པའི་སྒྲ། མཚར་བའི་གཟུགས། མདོར་ན་་་་་་་་་མཐོང་བྱ ཐོས་བྱ རེག་བྱ མྱངས་བྱ།
དཔྱིད་ཀ དབྱར་ཁ སྟོན་ཀ དགུན་ཁ ཉི་མ་ཤར་ནས་ནུབ་ལ་ནུབ་པ།
ད་དུང་བདུད་བརྩི་ལྟ་བུའི་ཕ་མའི་བསླབ་བྱ། ནད་དྲག་པའི་སྨན་ལ་ཞིམ་པོ་མེད།
ཤ་ཚ་བའི་གཏམ་ལ་སྙན་པོ་མེད། གོ་ལོས་མྱོང། འཇིག་རྟེན་ཁམས་ཀྱི་ཨ་མ་བཟང།
ཁྱོད་ཨ་མའི་སེམས་ཀྱི་ནོར་བུ་ཡིན། འཇིག་རྟེན་ཁམས་ཀྱི་ཨ་མ་བཟང།
ཁྱོད་ཨ་མའི་སེམས་ཀྱི་ནོར་བུ་ཡིན།
དེའི་རྐྱེན་གྱི། གོ་ལ་ཟླུམ་པོ་མ་འཇིགས་བར་དུ། དབུགས་ཀྱི་རྒྱུ་བ་མ་ཆད་བར་དུ།
མི་རང་ཉིད་མ་བོར་བར་དུ།
སང་ཉིན་གྱི་ཉི་མ་སེར་པོ་གདོང་གི་བསུ། སྙིང་ཉེ་བའི་ཕ་མ། མཛའ་མོ། གྲོགས་པོ།
འདས་ཟིན་ལ་བཀའ་དྲིན་ཆེ། འབྱུང་འགྱུར་ལ་རེ་བའི་ལྟོས།
ངའི་སྙིང་གི་གྲོགས་པོ།