曉子：（白）鬼係一種能量，信念越大，能量就會越強。有D鬼，因為信念唔夠，好容易就會消失。但係相反，如果你o既信念夠o既話，你就會有足夠o既能量繼續留o係人間照顧小雨。
曉子：做人做過 知道巧妙
現時做鬼 都要開竅
實情肉身都飄渺凡事要小心
話到底 有奧妙
曉子：（白）okay，你試鬼叫兩聲o黎聽。
朝晴：嗚嗚嗚 嗚嗚嗚
曉子：（白）喂，鬼係唔可以亂叫架。
曉子：做人係要 識低調
現時做鬼 必戒尖叫
若然係輕率學人無事亦叫囂
未嚇親人得啖笑
重要記住依家呢樣 若你心一灰你等殃
他生往曲折更漫長 無謂下下作病o既樣
曉子：若然面相
朝晴：若然面相
曉子：出殯一樣
朝晴：出殯一樣
曉子：越沉越死
朝晴：越沉越死
曉子：陰氣高漲
朝晴：陰氣高漲
曉子：用能量支撐自強然後令個樣 學似D明星亮相
朝晴：邊一位？
電話：喂
朝晴：搵邊位？
電話：喂
朝晴：乜o野人撥o黎為乜o野事？
電話：喂喂喂乜冇聲喂喂喂？
（白）喂，老細，個電話冇人應喎。
曉子：（白）在生o既人係聽唔到你把聲o架。
朝晴：（白）咁點呀？
曉子：（白）咪校返個電話錄音囉，咁簡單。
曉子：Mushi Mushi 儂好您好
Thanks for your call But I'm not here
若然係心急搵我隨便落個call 待我返o黎之後播 咇
曉子：（白）記住喇，你而家係鬼，一般人係見唔到你，聽唔到你o架。如非必要o既話，千祈唔好周圍走，尤其是係唔可以同小雨一齊出街，如果唔係，一旦撞到熟人，你想唔穿崩都幾難。
朝晴：（白）哦，咁點解小雨又會見到我o既？
曉子：話你知 若愛得深先見到
但我知 其實你經已做到
是你心 做到與小雨共融
能望見 多麼好
話你知 若愛太淺不見到
在往生 途上要一個獨舞
望眼中 舊愛已經隔道牆
難越界 未見到
朝晴：（白）喂，你做乜呆曬呀？咁做鬼重有D乜o野特異功能呀？
曉子：（白）呀……穿牆囉。
朝晴：（白）點穿呀？
曉子：（白）哈，講到呢樣o野就唔係咁簡單喇。
曉子：驟然望去 方法簡便
實情係點 不免刁鑽
用神用心兼專注尋覓落腳點
撞先 有發現
曉子：（白）okay，你而家試用手穿牆，一二三……
朝晴：（白）哎！唔得o既？
曉子：（白）試用膊頭，膊頭大力D
朝晴：（白）哎！
曉子：（白）膝頭，用埋個頭
朝晴：（白）哎！
曉子：（白）鬼邊識得痛o架。再o黎，用全身o既力，一二三……
朝晴：（白）哎！
朝晴：我都算係不知所謂 在生o個陣衰到底
而家變鬼更覺豆泥 前路斷曬最宅使
曉子：世事冇得 一次搞掂
做人做鬼 都要咁轉
用能量專心練成隨住你指尖 直接穿牆一路鑽
曉子：世事冇得
朝晴：世事冇得
曉子：一次搞掂
朝晴：起勢咁練
曉子：現時做鬼
朝晴：現時做鬼
曉子：都要咁轉
朝晴：都要咁轉
合 ：用能量專心練成隨住你（我）指尖 直接穿牆一路鑽
朝晴：但求係返返舊時陪住我個女
做隻鬼魂心亦暖