作词 : 阿斯哈尔·阿斯哈提 Asqar As’hatulı
作曲 : 扎依特·阿斯哈尔 Zaït Asqarulı
Саятшы
Өлеңі : Асқар Асхатұлы
Әуені : Зайт Асқарұлы
Ақ шоқылы , жартасты тауға құмар,
Не бір тілсым тілдерді таудан ұғар .
Қалт жібермей шығатын қансонарда,
Ілесуге жігіттер қамданыңдар .
Қайырмасы :
Бұлдыр-бұлдыр даладан,
Бұлдыр сағым тараған .
Томағасын тартқанда,
Күндік жерге қараған .
Қыраны бар саятшы .
Қаңтар ма әлде ақпан ба керегі не,
Тағылардың ой тастап дерегіне .
Із атаулы құтылмас бұрқасында,
Саятшының ойының елегінде .
Қайырмасы :
Адыр-адыр, адырдан,
Аттың ізін қалдырған .
Қырдың қызыл түлкісін,
Қыранына алдырған .
Қырағы көз саятшы .
Сәтті күні шығуға қамданатын,
Түндеріне күндері жалғанатын .
Жарау тұлпар, бапты құс жан серігі,
Содан ба екен қанжыға қанданатын .
Қайырмасы :
Белең-белең , белдерден,
Белең берген жерлерден .
Қос тағыны қосарлап,
Арпалысын меңгерген .
Аң төресі саятшы .
Күн қасында, кей кезде ай қасында,
Көк серісін көндірген айласына .
Көлденеңнен кезіккен көк аттыға,
Именбейтін олжасын байласуға .
Қайырмасы :
Алыс-алыс , арадан,
Аң сұлуын қараған .
Қалтырмай жан көңілін,
Достасуға жараған .
Жомарт жанды саятшы .
ساياتشى
ولەڭى : اسقار اسحات ۇلى
اۋەنى ؛ زايت اسقار ۇلى
اق شوقىلى ، جارتاستى تاۋعا قۇمار ،
نە ءبىر ءتىلسىم تىلدەردى تاۋدان ۇعار .
قالت جىبەرمەي شىعاتىن قانسوناردا ،
ىلەسۋگە جىگىتتەر قامدانىڭدار .
قايىرماسى :
بۇلدىر - بۇلدىر دالادان ،
بۇلدىر ساعىم تاراعان .
توماعاسىن تارتقاندا ،
كۇندىك جەرگە قاراعان .
قىرانى بار ساياتشى .
قاڭتار ما الدە اقپان با كەرەگى نە ،
تاعىلاردىڭ وي تاستاپ دەرەگىنە .
ءىز اتاۋلى قۇتىلماس بۇرقاسىندا ،
ساياتشىنىڭ ويىنىڭ ەلەگىندە .
قايىرماسى :
ادىر - ادىر ، ادىردان ،
اتتىڭ ءىزىن قالدىرعان .
قىردىڭ قىزىل تۇلكىسىن ،
قىرانىنا الدىرعان .
قىراعى كوز ساياتشى .
ءساتتى كۇنى شىعۋعا قامداناتىن ،
تۇندەرىنە كۇندەرى جالعاناتىن .
جاراۋ تۇلپار ، باپتى قۇس جان سەرىگى ،
سودان با ەكەن قانجىعا قانداناتىن .
قايىرماسى :
بەلەڭ - بەلەڭ بەلدەردەن ،
بەلەڭ بەرگەن جەرلەردەن .
قوس تاعىنى قوسارلاپ ،
ارپالىسىن مەڭگەرگەن .
اڭ تورەسى ساياتشى .
كۇن قاسىندا ، كەي كەزدە اي قاسىندا ،
كوك سەرىسىن كوندىرگەن ايلاسىنا .
كولدەنەڭنەن كەزىككەن كوك اتتىعا ،
يمەنبەيتىن ولجاسىن بايلاسۋعا .
قايىرماسى :
الىس - الىس ارادان ،
اڭ سۇلۋىن قاراعان .
قالتىرماي جان كوڭىلىن ،
دوستاسۋعا جاراعان .
جومارت جاندى ساياتشى .