作词 : 暴斯
作曲 : Paul Hardcastle 的< You May Be Gone
<<好眼训
[警告] 晚睡有害健康 PG-12家长指引.
词/曲/编/唱/录/混: 暴斯
sample来自Paul Hardcastle 的< You May Be Gone
verse1
不自觉双眼会合埋
突然睁开心跳会加快
眼训未训嘅边界
打完喊劳依然想合翻埋意识就快消失晒
我，再向往后调一调凳pen
但系依然要睇到个电脑屏幕咁硬颈
周公係咁哎我个名
可唔可以停一停其实我冇谂住通顶
任何地方都可以钓鱼
大课室，图书馆，咖啡厅，只要你坐住
你嘅青春唔到你作主
而你要训觉连你都冇办法阻住
停唔到嘅睡意
悬梁刺股嘅大志
但人总有一时大意
已经进入梦境然而当事人未知
又好似有d朦胧美
想休息，想继续，想训低，想唔起
又好似差唔多想猝死
稳唔到原因，想唔理
坐住发晒藕斗玩紧手机突然松手
疲劳地放松, 身体为心灵迁就
只有呢几个钟嘅时间自己由自己占有
捱夜係对生活不满嘅出口
呢个钟数可能你仲忙紧
可能佢係酒精同噪音之中亢奋
可能你有, 个电话讲紧
可能你又不由自主谂紧一d事一个人
讲完晚安早抖, 又打开手游
随便玩玩做个日常咁又一个钟头
玩完, 日日都要, 早起
听讲, 睡眠不足会, 早死
verse2
反复讲抓紧抓紧从未强调放松
繁琐嘅生活抓紧你无论放学定放工
当然, 我敢保证大部分人
大部分时间未真正将时间抓紧
被推住走嘅人生
终日抱怨自己无法掌握命运但讲真
可能已经达到佢所能够达到嘅平衡
唔去改变生活只係係度等
不满足于现状同时不打算经历跌宕
开放式嘅答题方式无非都係果几个选项
新年愿望又係身体健康讲咗等于冇讲
饮多碗鸡汤斗志激昂然后继续上网
休息时间太短, 工作时间太长
太少了份粮对唔住太多嘅工作量
拥有得越多越要增加背负嘅重量
你乜都唔肯放低有乜嘢资格同我讲梦想?