༄༅།། གྲ་ནང་སྒོར་གཞས།
ཚིག་གདངས། དམངས་ཁྲོད་བསྒྱུར་བཟོ།
གཞས་པ། གྲ་ནང་བསྟན་པ་ཚེ་རིང་།
* * * * * * * *
༄༅།། ལྕང་གླིང་གྲུ་བཞི།
ལྕང་གླིང་གྲུ་བཞིའི་མཛེས་ཉམས་ཡ་ལ་གཟིགས་དང་།
ལྕང་གླིང་གྲུ་བཞིའི་མཛེས་ཉམས་ཡ་ལ་གཟིགས་དང་།
ཕྱི་ལ་གཟིགས་དང་ལྕགས་རི་གྲུ་བཞིས་བསྐོར་ཡོད།
ནང་ལ་གཟིགས་དང་ལྕང་གྲལ་འགྲིག་པ་ཡོད་དོ།
ཕྱི་ལ་གཟིགས་དང་ལྕགས་རི་གྲུ་བཞིས་བསྐོར་ཡོད།
ནང་ལ་གཟིགས་དང་ལྕང་གྲལ་འགྲིག་པ་ཡོད་དོ།
* * * * * * * *
ལྕང་གླིང་གྲུ་བཞིའི་བྱིའུ་ཆུང་ཡ་ལ་གཟིགས་དང་།
ལྕང་གླིང་གྲུ་བཞིའི་བྱིའུ་ཆུང་ཡ་ལ་གཟིགས་དང་།
ཕྱི་ཡི་སྤུ་རིས་རྨ་བྱའི་སྒྲོ་མདོག་ཡོད་དོ།
ནང་གི་གསུང་སྐད་འཇོལ་མོའི་གསུང་སྙན་ཡོད་དོ།
ཕྱི་ཡི་སྤུ་རིས་རྨ་བྱའི་སྒྲོ་མདོག་ཡོད་དོ།
ནང་གི་གསུང་སྐད་འཇོལ་མོའི་གསུང་སྙན་ཡོད་དོ།
* * * * * * * *
ལྕང་གླིང་གྲུ་བཞིའི་མགྲོན་པོ་ཡ་ལ་གཟིགས་དང་།
ལྕང་གླིང་གྲུ་བཞིའི་མགྲོན་པོ་ཡ་ལ་གཟིགས་དང་།
ཕྱི་ཡི་ཞལ་རས་འཛུམ་མདངས་དོད་པ་ཡོད་དོ།
ནང་གི་སྣང་བ་དེ་ལས་སྐྱིད་པ་ཡོད་དོ།
ཕྱི་ཡི་ཞལ་རས་འཛུམ་མདངས་དོད་པ་ཡོད་དོ།
ནང་གི་སྣང་བ་དེ་ལས་སྐྱིད་པ་ཡོད་དོ།
* * * * * * * *
ཁྱེད་ཀྱིས་བོད་གཞས་གསན་པར་ཐུགས་རྗེ་ཆེ་ཞུའོ།
* * * * * * * *
༄༅།། མཆོད་རྟེན་སྤུན་གསུམ།
བཀྲིས་ལུང་པའི་ཕུ་ལ།
གསེར་གྱི་མཆོད་རྟེན་སྤུན་གསུམ་བཞེངས་ཡོད།
རྩེ་མོ་ཡ་ལ་རྒྱན་མཚན་གྱི་དར་ལྕོག་བཙུགས་ཡོད།
གཞོན་པའི་རླུང་རྟ་སྐྱེས་སོང་།
* * * * * * * *
བཀྲིས་ལུང་པའི་བར་ལ།
དངུལ་གྱི་མཆོད་རྟེན་སྤུན་གསུམ་བཞེངས་ཡོད།
སྐེད་པ་ཡ་ལ་བཀྲིས་ལྷ་བསངས་ཕུལ་ཡོད།
གཞོན་པའི་བསམ་དོན་གྲུབ་སོང་།
* * * * * * * *
བཀྲིས་ལུང་པའི་མདའ་ལ།
གཡུ་ཡི་མཆོད་རྟེན་སྤུན་གསུམ་བཞེངས་ཡོད།།
རྩ་བ་མ་ལ་བྱིན་རླབས་ཆུ་ཕུད་ཞུསཡོད།
གཞོན་པའི་ལས་གྲིབ་དག་སོང་།
བཀྲིས་ལུང་པའི་མདའ་ལ།
གཡུ་ཡི་མཆོད་རྟེན་སྤུན་གསུམ་བཞེངས་ཡོད།
རྩ་བ་མ་ལ་བྱིན་རླབས་ཆུ་ཕུད་ཞུས་ཡོད།
གཞོན་པའི་ལས་གྲིབ་དག་སོང་།།
རྩ་བ་མ་ལ་བྱིན་རླབས་ཆུ་ཕུད་ཞུསཡོད།
གཞོན་པའི་ལས་གྲིབ་དག་སོང་།
གཞས་ཚིག་མཁོ་འདོན། གྲ་ནང་བསྟན་པ་ཚེ་རིང་།