༄༅།། ཕ་ཡུལ་ཡར་ཀླུང་།
ཚིག མཁས་གྲུབ་ལགས།
གདངས། གྲ་ནང་བསྟན་པ་ཚེ་རིང་།
གཞས་པ། གྲ་ནང་བསྟན་པ་ཚེ་རིང་།
* * * * * * * *
འཛམ་གླིང་ཡང་རྩེའི་རྒྱ་ཕིབས།།
བསིལ་ལྗོངས་ཆོས་ལྡན་ཞིང་ཁམས།།
གངས་རི་ཤེལ་གྱི་མཆོད་རྟེན།།
གཙང་ཆུ་གཡུ་འབྲུག་སྔོན་མོ།།
སྐྱིད་པའི་ཕ་ཡུལ་ཡར་ཀླུང་།།
གངས་ཅན་མི་རིགས་འབྱུང་གནས།།
ཕུལ་བྱུང་རིག་གནས་དར་ཡུལ།།
འཛད་མེད་ལོ་རྒྱུས་ཀྱི་རྒྱ་མཚོ།།
ཨ་་་་་་་་་་་ཕ་ཡུལ། ཡར་ཀླུང་།།
གངས་ཅན་མི་རིགས་འབྱུང་གནས།།
ཕུལ་བྱུང་རིག་གནས་དར་ཡུལ།།
འཛད་མེད་ལོ་རྒྱུས་ཀྱི་རྒྱ་མཚོ།།
* * * * * * * *
ཁྱེད་ཀྱིས་བོད་གཞས་གསན་པར་ཐུགས་རྗེ་ཆེ་ཞུ།
* * * * * * * *
ས་སྟེང་ངོ་མཚར་གནས་མཆོག།
ས་འོག་ནོར་བུའི་གཏེར་མཛོད།།
མཁས་དབང་སྐར་ཚོགས་བཀྲ་བ།།
མཛེས་ལྗོངས་ལྷ་ཡུལ་དགའ་ཚལ།།
ཕྱི་གླིང་ཡུལ་གྱི་སྐུ་མགྲོན།།
ཡར་ཀླུང་གཞུང་དུ་ཕེབས་དང་།།
ལྷན་རྒྱས་ཐུགས་ཡིད་ཚིམས་པའི།།
ཕེབས་བསུ་ཕེབས་སྐྱེལ་ཞུས་ཆོག
ཨ་་་་་་་་་་ཕྱོགས་བཞིའི། སྐུ་མགྲོན།།
ཡར་ཀླུང་གཞུང་དུ་ཕེབས་དང་།།
ལྷན་རྒྱས་ཐུགས་ཡིད་ཚིམས་པའི།།
ཕེབས་བསུ་ཕེབས་སྐྱེལ་ཞུས་ཆོག།
ཨ་་་་་་་་་་ཕྱོགས་བཞིའི། སྐུ་མགྲོན།།
ཡར་ཀླུང་གཞུང་དུ་ཕེབས་དང་།།
ལྷན་རྒྱས་ཐུགས་ཡིད་ཚིམས་པའི།།
ཕེབས་བསུ་ཕེབས་སྐྱེལ་ཞུས་ཆོག།
ཕེབས་བསུ་ཕེབས་སྐྱེལ་ཞུས་ཆོག།
གཞས་ཚིག་མཁོ་འདོན། གྲ་ནང་བསྟན་པ་ཚེ་རིང་།