作曲 : 益丹平措
作词 : 瑞巴
ཨ་ཕ་ལགས།
གཞས་པ། ཡིད་བརྟན་ཕུན་ཚོགས།
ཨ་ཕ་ལགས། ཨ་ཕ་ལགས།
དགུན་གྱི་ཁ་བ་འདྲ་བའི་ཨ་ཕ་ལགས།
དབྱར་གྱི་རྩྭ་ཐང་འདྲ་བའི་ཨ་ཕ་ལགས།
དཔྱིད་ཀྱི་རླུང་བུ་འདྲ་བའི་ཨ་ཕ་ལགས།
སྟོན་གྱི་ལོ་མ་འདྲ་བའི་ཨ་ཕ་ལགས།
གང་དཀར་པོ་རྩེ་མོ་ཁྱེད་ཡིན།
ཆུ་གཙང་པོ་རླབས་རྒྱུན་ཁྱེད་ཡིན།
བུ་བུ་མོའི་སེམས་བརྟེན་ཁྱེད་ཡིན།
ཁྱེད་ནི་དྲིན་ཆེན་ཨ་མའི་ངོ་གདོང་ལ་འཐིབས་པའི་མིག་ཆུ་དྭངས་མོ་ཡིན།
ཁྱེད་ནི་བུ་དང་བུ་མོའི་རུམ་ཁོང་ལ་འཁྱིལ་བའི་རྨི་ལམ་དྲོན་མོ་ཡིན།
ང་ཚོ་ཡུན་རིང་གྱེས་པའི་ལོ་དང་ཟླ་བའི་ཉིན་དང་སྲིབ་ན།
ནམ་ཡང་བརྗེད་དུ་མེད་པ་ཁྱེད་ཀྱི་ཞལ་རས་ཡིན།
ཁྱེད་ཀྱི་རྒྱབ་གཞུང་། ཁྱེད་ཀྱི་ལག་ཟུང་།
ཁྱེད་ཀྱི་བསླབ་བྱ། ཁྱེད་ཀྱི་བྱམས་བརྩེ་ཡིན།
ཨ་ཕ་ལགས། ཚེ་ནོར་ལྟ་བུའི་ཨ་ཕ་ལགས།
ང་ཡི་སེམས་ཀྱི་ཨ་ཕ་ལགས།
དེ་རིང་ཁྱེད་ཀྱི་མར་ལོ་འདྲ་བའི་བུ་ཆུང་གིས།
ཉི་མ་ལྷ་སའི་ཇོ་བོའི་མདུན་ནས།
རྒྱང་དུ་བཞུད་པའི་ཁྱེད་ཉིད་ལ།
གསེར་གྱི་མཆོད་མེ་ལམ་ལམ་བསྒྲོན་ཞིང་།
མིག་ཆུའི་སྙིམ་པ་བྲང་ཁར་བཞག་ནས།
སྐྱབས་གནས་ལྷ་ལ་ཕྱག་གསུམ་འཚལ་ཡོད།
གངས་རིའི་རྩེ་ལ་ཉི་འོད་འཕྲོ་དུས་ཁྱེད་རང་དྲན།
སྤང་ལྗོངས་ངོས་སུ་མེ་ཏོག་བཞད་དུས་ཁྱེད་རང་དྲན།
གཙང་ཆུ་སྔོན་མོ་ལྷུང་ལྷུང་འབབ་དུས་ཁྱེད་རང་དྲན།
ཕུ་ནུ་མིང་སྲིང་གཞིས་ལ་འཛོམས་དུས་ཁྱེད་རང་དྲན།
སྦྲང་དཀར་རྩམ་པ་བཟའ་དུས་ཁྱེད་རང་དྲན།
ཞིམ་མངར་འོ་ཇ་འཐུང་དུས་ཁྱེད་རང་དྲན།
རྟ་ཕོ་བང་གིས་རྒྱུགས་དུས་ཁྱེད་རང་དྲན།
ལུ་ཁྱུས་འབའ་སྐད་སྒྲོག་དུས་ཁྱེད་རང་དྲན།
ང་ཡི་སྙིང་གི་ཨ་ཕ་ལགས།
བུ་ངས་ཁྱེད་རང་དྲན་པ་གནམ་ཡིན།
ས་ཡིན། མེ་ཡིན། རླུང་ཡིན། དབྱངས་ཡིན། འོད་ཡིན།
ཨ་ཕ་ལགས། རྒྱབ་རི་འདྲ་བའི་ཨ་ཕ་ལགས།
མི་ཚེའི་ལམ་གྱི་ཨ་ཕ་ལགས།
ཁྱེད་རང་སྤྲིན་པ་ནང་བཞིན།
ཁྱེད་རང་གཡུ་འབྲུག་ནང་བཞིན།
ཁྱེད་རང་རྒོད་པོ་ནང་བཞིན།
བུ་ངའི་མིག་གི་མཐོང་ལ་ལན་གཅིག་འབྱོར་རོགས།
བུ་ངའི་སེམས་ཀྱི་ཟབ་སར་འཛུལ་རོགས།
ཁྱེད་རང་མེད་པའི་ཉིན་དང་མཚན་ལ།
ནམ་མཁར་སྐར་མ་དངངས་འདར་བརྒྱབ་ནས་འདུག
གསེར་གྱི་མཆོད་མེ་སྤར་ཡང་ཁྱེད་རང་མཇལ་ཡས་མིན་འདུག
ཨ་ཙི་ཙི་་་་་་་ང་ཡི་ཨ་ཕ་ལགས།
གསེར་གྱི་མཆོད་མེ་སྤར་ཡང་ཁྱེད་རང་མཇལ་ཡས་མིན་འདུག
ཨ་ཙི་ཙི་་་་་་་ང་ཡི་ཨ་ཕ་ལགས།
ཨ་ཙི་ཙི་་་་་་་ང་ཡི་ཨ་ཕ་ལགས།
གླུ་གཞས་གསན་པར་ཐུགས་རྗེ་ཆེ།
འཇའ་ཚོན་གཞུ་ཡི་རྣམ་པ་སྒོ་ཁྱའི་ཟུག་སྐད་རྒྱབ།
ཨ་མའི་རུས་པར་ཁྱབ།
བུ་ཆུང་ང་ཡི་ཁྱེད་ཀྱི་ལག་ཟུང་དྲན་དུས་རེད།
བུ་ཆུང་ང་ཡི་ཁྱེད་ཀྱི་འཛུམ་ཞལ་དྲན་དུས་རེད།
མིག་ཆུ་དྭངས་མོ་གཙང་པོའི་ཀློང་ལ་འཐོར།
ན་ཟུག་དྲག་པོ་སེམས་ཀྱི་གདུང་བར་བསྙལ།
སྐྱབས་ཀྱི་བླ་མ་དཀོན་མཆོག་གསུམ་པོས།
སེམས་ཅན་ཐམས་བཅད་བདེ་བ་དང་བདེ་བའི་རྒྱུ་དང་ལྡན་པར་འགྱུར་ཅིག
སེམས་ཅན་ཐམས་བཅད་སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་འགྱུར་ཅིག
སེམས་ཅན་ཐམས་བཅད་སྡུག་བསྔལ་མེད་པའི་བདེ་བ་དང་མི་བྲལ་བར་འགྱུར་ཅིག
སེམས་ཅན་ཐམས་བཅད་ཉེ་རིང་ཆགས་སྡང་གཉིས་དང་བྲལ་བའི་གཏང་སྙོམས་ལ་གནས་པར་འགྱུར་ཅིག
ང་ཡི་སྙིང་གི་ཨ་ཕ་ལགས།
བདག་གིས་བཏོན་པའི་སྐྱབས་འགྲོ་སྨོན་ལམ་དེ།
སེམས་ཅན་ཀུན་ལ་བཅངས་པའི་བརྩེ་བ་ཡིན།
དྲིན་ལ་དྲིན་ལན་ཏོག་ཙམ་འཇལ་ཕྱིར་དུ།
ཨ་ཕ་ཁྱེད་ལ་བསྔོ་བའི་སྨོན་ལམ་ཡིན།
གུང་ཐང་བསྟན་པའི་སྒྲོན་མེ་ཚང་གི་ཞལ་ནས།
ལས་ཀྱི་འདུས་པའི་ཕ་ཡུལ་ཉེ་དུ་ཀུན།
བཞག་ཏེ་རྒྱང་རིང་ཡུལ་དུ་སོང་ན་ཡང་།
རྒྱས་མེད་ཡུལ་ནས་དོན་མེད་མཛའ་བཤེས་སོགས།
བསྡུས་ཏེ་རྣམ་གཡེང་བྱེད་པ་སྨྱོན་པ་ཡིན།
འོང་དོན་ཐོས་བསམ་ལས་སྒྲིམ་ཤིག་ཨང་གསུངས་པ་བཞིན།
དེ་ཡང་ཡབ་ཆེན་ཁྱེད་ཀྱིས་བདག་ལ་གནང་བའི་ཞལ་ཏའམ།
བུ་ཆུང་ང་ལ་གསུང་པའི་རེ་བ་ནམ་ཡང་ཡིན་འགྱུར་ན།
ཁྱེད་རང་སེམས་ཁྲལ་མ་གནང་བདེ་བར་བསྐྱོད་དང་།
བུ་ཆུང་ང་ཡི་རང་གི་རྐང་རྗེས།
ཆུང་ཆུང་དུས་ནས་མདུན་ལམ་རིང་མོ་བསྒོམས་ནས།
འཛམ་གླིང་ས་མཐོའི་ཡང་རྩེ་ནས།
གངས་ཀྱི་ར་བས་བསྐོར་བའི་ཁ་བ་ཅན་གྱི་ཞིང་ཁམས་ལ།
ཆོས་ལྡན་ཞིང་གི་བོད་ཡུལ་དུ་ང་ལ་མི་ལུས་ལེན་པ་ལ།
བོད་ཆོས་ལྡན་ཞིང་ཁམས་ཕ་ས་གསེར་གྱི་གཞོང་པར།
ཁྱེད་རང་ནམ་ཡང་བརྗེད་མི་སྲིད།
ང་ཡི་སྙིང་གི་ཨ་ཕ་ལགས།
ཨོཾ་ཏྰ་རེ་ཏུ་ཏྟྰ་རེ་ཏུ་རེ་སྭཧ྄།
ཨོཾ་ཏྰ་རེ་ཏུ་ཏྟྰ་རེ་ཏུ་རེ་སྭཧ྄།
ཨོཾ་ཏྰ་རེ་ཏུ་ཏྟྰ་རེ་ཏུ་རེ་སྭཧ྄།
གསེར་གྱི་མཆོད་མེ་སྤར་ཡང་ཁྱེད་རང་མཇལ་ཡས་མིན་འདུག
ཨ་ཙི་ཙི་་་་་་་ང་ཡི་ཨ་ཕ་ལགས།
གསེར་གྱི་མཆོད་མེ་སྤར་ཡང་ཁྱེད་རང་མཇལ་ཡས་མིན་འདུག
ཨ་ཙི་ཙི་་་་་་་ང་ཡི་ཨ་ཕ་ལགས།
ཨ་ཙི་ཙི་་་་་་་ང་ཡི་ཨ་ཕ་ལགས།
ཨ་ཙི་ཙི་་་་་་་ང་ཡི་ཨ་ཕ་ལགས།
ཨོཾ་ཏྰ་རེ་ཏུ་ཏྟྰ་རེ་ཏུ་རེ་སྭཧ྄།
ཨོཾ་ཏྰ་རེ་ཏུ་ཏྟྰ་རེ་ཏུ་རེ་སྭཧ྄།