歌词名称：十年人事
歌手：农夫&陶杰
所属专辑：风生水起
七一的晚上烟花多漂亮
狮子山脚下突然过十年太漫长
飘忽的政治消失的偶像
狮子山脚下步行过十年到夕阳
回归十年突然谂返起以前
五十年不变到底有无兑现
第一年嘅烟花汇演特别美艳
但系经济状况已经大不如前
系董生脚头唔好
定系咁啱金融风暴
啲新闻仲报导呢十年香港几好
我哋有几好嗻
你哋点会知道啲师奶都越嚟越悭
打工仔又老奉加班
几多个人曾经系负资产
几多大学生人工唔过一万
一蚊一只鸡都无人够胆
出街食晚饭
毕业就等于失业
十年人事几番新
十年过得几艰辛
有人捍卫到个发型
捍卫唔到民心
热烈庆祝回归有边个会咁谂
哥哥梅姐沾叔罗文
失业sars通缩流感
过去十年有太多唔开心
事到如今灵灰阁都无预你同我嗰份
或者应份俾啲掌声我哋各位香港人
十年回归政府畀人话低b，
市民又畀人当白痴
二十三条立法冇咗件事，
八万五冧楼加沙士
眨吓眼就轮到煲呔执过热煎堆，
政改方案搞到累斗累
陈太对叶瘤唔啱嘴，
香港人前世究竟犯咗乜嘢罪呢
原来突然眨下眼咁就过左十年
以前仲系中学生今日要出嚟搵钱
每一年嘅烟花汇演都系一个纪念
纪念公众假期多咗几天
系曾生脚头几好
定系佢无夹硬无事搵事嚟做
近年经济转好大家行返旧路
望住股票指数有得搵就好搵
搵一阵就好搵过你打几份工
内地劳工今日变身自由人
嚟到香港自由行每个人洗几千蚊
难怪咁多人要争相回流掘金
以前有事走咗去今日无事返番嚟
佢哋有无当过香港地系佢嘅屋企
皇后码头要拆湾仔嗰条印刷
街又要拆会变成乜嘢风格
维多利亚海港每年都transform
好似变形金刚变成维多利亚河
河嘅对面有座山山下面灯光灿烂
七百万人男男女女
有你同我我同佢
七百万人来来去去