歌词名称：伟大航道
歌手：C君
所属专辑：奇迹
00:-7.00C君 - 伟大航道
00:-6.00作曲：C君
00:-5.00填词：C君
00:-4.00编曲：Randy Chow
00:-3.00监制：Randy Chow, C君
00:-2.0000:-1.00
呢首歌系我特别为你而写嘅
可能你而家唔知我讲紧咩嘅
但系到你大个攞返呢只歌喺CD机度播
你会知道我为你做左D咩嘢
细路哥细细个仲细得几多年
唔好俾你嘅童年净系充满考试同测验
望下个天 咁好天 去下海边
因为到你大个就会忘记乜嘢系大自然
做学生要争取时间 玩
有几多功课做都好闲 唔驶喊
当你正式上班 先知道乜嘢叫惨
原来做功课好简单 做人好难
唔好怪你学校好似好烦个几个先生
因为冇一个先生系可以烦得过你老板
唔好介意 记缺点只系小事
操行分就系玩紧迷你版嘅办公室政治
唔好笑你同学仔 因为佢将来可能系
同你做一世嘅兄弟 呀 顺便一提
千祈唔好食烟
点解 因为你想像唔到佢有几难戒
Woo~ 写俾你呢只歌
Woo~ 将所有我经过 我做错 咪学我 再做错 因此我
Woo~ 想当你跌低过 挫败过 有力再 去突破
大多几岁 你会想搵返个情侣
老土d讲一句 唔系有心就唔好追佢
你谂吓佢流嘅眼泪 伤害佢
将来佢 唔再相信爱
你仲点过意得去
爱情系好玩但系唔好玩爱情
你一个唔小心 可能会影响佢一世人
我系过来人 我做错 咪学我 再做错 因此我
系啵 记住饮酒唔好饮咁多
尤其是有杯着晒火 一定要朋友帮吓拖
猫到瞓低都冇乜所谓 最怕起身系隔篱
见到个好似我咁嘅男仔 你就知道乜嘢系蚀底
唔好随便同人发生关系
话就话前事不提 都系另一种虚伪
因为 我始终认为
你老公都唔想知道佢有咁多襟兄弟
讲到想讲嘅都讲过 需要分享我分享过
你始终会大个 你始终会离开我
每人都有名 每人都有姓
出世嗰一日就系最好嘅身份证明
出世嗰一刻就系上天对你嘅肯定
路从来都系难行
但系无论几难都好
我一定会系度陪你
其实你嚟到呢个世界
系一个安排
你会比你想像中更加伟大
提供