歌词名称：一个新星的诞生
歌手：曾路得
一个新星的诞生
曾路得
炽热歌嘅掌声夹杂住来自四方八面嘅欢呼
你只有一再咁鞠躬表示你嘅感激
但系当你垂低头嘅时候 你不禁会问
呢个时刻就係梦境成真
抑或其实係一个梦想嘅终结呢
踏入后台 每一个迎上黎嘅人都带住
热烈嘅神情 亲切嘅祝货
你成功嘞 你终于成功嘞
今晚係属于你嘅
然而当佢地将最后一支射灯熄灭嘅时候
你就知道 毕竟今晚嘅一切都会 成为回忆中嘅一部份 永不磨灭
今晚 群众再一次送上佢地嘅掌声 欢呼
后台两旁嘅人都响度急切咁等待 佢地面上带住热烈嘅神情
当然啦 一个新星嘅诞生确系令人兴奋令人雀跃嘅
呢一切对你黎讲 实在太熟悉嘞
仿佛只係昨日嘅事啫
转眼之间 人群已经消散
冷清清嘅大堂只剩低两三个清洁工人响度打扫
今晚 佢地就要将地方执拾干净 因为 可能听日
佢地又需要迎接另一个新星嘅诞生